У Зарэчкаўскай сярэдняй школе Дзень роднай мовы прайшоў пад дэвізам: “Рускай мове дай разгрузку – размаўляй па-беларуску”. Вучні і настаўнікі не проста паспрабавалі ўвесь дзень размаўляць на роднай мове, але і паўдзельнічалі ў цікавых гульнях! Напрыклад, “Спыніся на хвілінку, адкажы на віктарынку”. Ахвотна перакладалі словы з рускай мовы на беларускую. Вучні 11 класа прынялі ўдзел у напісанні Рэспубліканскай дыктоўкі. Адбыўся конкурс чытальнікаў вершаў на роднай мове.
Усмешкі на тварах падлеткаў, прыгожае гучанне роднай мовы зрабілі свята цёплым і непаўторным.